Ang nagbuy-od nga tiyan ni Tatay
Sama sa puwang bokswagen
Nga tubilan og Kulafu matag Biyernes
Hangtod moawas
Inig suka
Maabirya sa daplin
Sa dan, kilid sa plasa
Usahay
Mag-illegal parking
Sa gawas sa Melie's
Sa beerhouse
Sa may unahan
Inig pauli
Mag-alburoto ang iyang
Tambutso
Modasmag
Sa pultahan ug sofa
Kay napundiran sa iyang
Headlights
Kada Sabado sa buntag
Ang puwang boksawagen
Magbuy-od sa lantay
Sa gawas, kilid sa balay
Wala nakagrahe
Gitiketan ni Nanay
Para palit og pamahaw
Bayad sa tulo ka kilong bugas
Sa duha ka latang sardinas
Inig kuot ni Nanay
Sa bulsa ni Tatay
Hubas pas gasolinador
1 comment:
puya nga foksvagen...
(sa germany ang
volkswagen
v=f
w=f
foksvagen)
so much depends
upon a
red
folkswagen
drenched
with
mud from
Carbon
Beside
Yayoy's
sutukil
================================
so much depends
upon
a red wheel
barrow
glazed with rain
water
beside the white
chickens.
=======================
dugangi pa genica...
lami man god...
Post a Comment