Nganu man, Ma
nga dili nimo lingion ang gladiola
Adto man gyud ka sa
mga klabel, rosas, dalia
Day, makahinumdum
man gud ko ining buwaka
Ang gitungtong sa longon
niadtong namatay akong mama
Subscribe to:
Post Comments (Atom)
Ang Mununulat
- NEILE GENICA MIJARES
- Syudad sa Sugbu, Philippines
- Buot siya tawgon ug usa ka peminista, si Neile Genica Inez-Mijares magsulat aron tagaan ug pasidungog ang mga kalipay ug kasakit sa mga bag-ong Eba. Nailhan sab siya sa iyang pen name nga Inez Soledad M. Garces. Natawo siya niadtong Enero 15 tuig 1987 sa Mabolo, Syudad sa Sugbu. Usa siya ka miyembro sa peministang grupo nga Gabriela. Ang iyang mga balak nga Iningles na imprinta sa Sunstar Cebu Weekend magazine. Apil siya sa han-ay sa mga manunulat sa librong Hinugpong, antolohiya sa mga balak ug short story nga gilunsad sa University of the Philippines niadtong 2008. Nakatambong na sab siya sa UP Visayas Cebu Creative Writing Workshop (2008 ug 2009), Cornelio Faigao Memorial Creative Writing Workshop (2008), ug sa Iyas Creative Writing Workshop (2009). Listahan sa mga Utang, kini ang halad ni Mijares para sa iyang natawhang dila nga Cebuano. Gawas sa mga balak nga Iningles, pasidunggan sab niya ang mga babay gamit sa iyang mga balak nga Binisaya. Kay lagi, para ni Mijares, kining tanan, iyang utang kabubut-on sa Kahitas-an ug sa iyang pinilanggang Sugbu. Utang nga dapat lang niyang suklian ug mga humot nga pulong.
No comments:
Post a Comment