Karon, human sa milabayng kwarenta ka tuig,
Sa unang higayon malimtan ni Besing og linya iyang
toong kilay.
Nawani niya ang lapis sa eyebrow nga nasuksok
Ilawm sa mga basiyo sa haplas sa rayuma.
Kalit lang di niya matugkad nganung naglingkod siya
Atubangan sa samin sa may aparador.
Sa tinuod, maong nangunot ang kabang nga kilay ni Besing,
Dili niya mahinumduman daw kinsa iyang gipangandaman.
Ang iyang gitipigang hulagway sa tawng nisaad mubalik
Kwarenta ka tuig nang niagi nihanap sa iyang panumduman
Dihang nanambo si Besing sa abog nga samin.
Subscribe to:
Post Comments (Atom)
No comments:
Post a Comment